الرمادي أصدق الألوان
الرمادي أصدق الألوان
14-11-2013
بقلم خالد غنام
رمادي أصدق الألوان فدنيا ترفض الأسود والأبيض. الغيم الرمادي مثالي جدا لتفسير هاي الشغلة. بحكوا الغيم الرمادي بفيد الشجر أكتر من المطر، بس ممكن إزا مطرت تكون أقل أو أكثر من حاجة الشجر.
وهيك تفسير إنه أصدق كلام الرمادي لا بتخسر ولا بتكسب، والحق مرات بزعل متل اللون الأبيض، والأسود بوجع الضمير. المهم الرمادي هو أسود فاتح أو أبيض غامق: يعني ممكن كذبة بيضة، لاحظ إنه الكذب عادة مش أبيض أو بِتْسَوِّدْ الوجه؛ يعني الوجه ما لازم يكون أسود متل الكذب. ولهيك بنحكي نورت أو نورك كفاية من باب المبالغة بصدق الطلة أو طلة الصادق.
وبالأخير راية الحرب سواد وراية الاستسلام بياض ولما ترفع الراية البيضة ؤبتكذب بسودوا عيشتك ولما ترفع راية السواد يعني لموت طالب ومنها جاء لون الحزن والعفاف عن اليابوسين سكان القدس قبل ثلاث سنة.
أما الأبيض فهو عرف في مجدو [ مدينة قديمة قرب حيفا حاليا ] فهو لون العرس العروسين أبيض لأنه هاي علاقة نور وصدق وبضل نحكي إنه اللون الرمادي هو الفضة يعني مش غالي ولا رخيص خليك هيك عالأقل بتظل مبسوط شوي وبتقبل تزعل شوي وشوي شوي بتصير رمادي أصيل من كل قلبك
( خالد غنام يهديها لحازم سيلاوي)